Cherry Muffins

DAAAAY TEN

اليوم قعدت سنه وست شهور عشان ادور شي اسويه طفشت من الاشياء اللي فيها تشوكلت وبينت بتر و كذا فقلت ابي اسوي شي شوي شاطح ,شي زي بالفواكه يعني و كذا .. وابوي كان جايب انواع فواكه وذا وكان جايب كرز 

 والكرز كان مرره جميل صراحه كذا كبار ومتفخات وطعمها جميل وكل ابو شي .. الزبده عاد بسوي "مفن بالكرز" ولقيت وصفه لمفن بالكرز بس حسيت انه لو سويته بيطلع هواء! "يعني ما فيه نكهه قويه" فقلت لازم ازيد اشياء من مخي الجميل واخمبق شوي ^^ .. الوصفه هي اني اخلط الزبده مع السكر البني بعدين البيض والفانيلا وبعدين الطحين والبكينق صودا والملح وعاد حطيت انا شوي قرفه :$ المهم بعد ما انخلطو وكذا, حطيتهم بصينية الكب كيك .. عاد هنا الوصفه الصدقيه اللي اخذت منها الطريتزه <الطريقه -.- هي انه احط فوق الخليط اللي صبيته بالصينيه كرز طازج ..اشيل الشي اللي جوا العبس مدري البذور مدري وش تسمونه ,الزبده اشيله بهذيك حقت "الزيتون" < يارب انكم فهمتون .. المهههم الوصفه الصدقيه اني احط الكرز طازج على الخليط وادخله الفرن بس انا كنت خايفه انه ما يطلع له طعم قوي او نكهه قويه وكذا فأخذت الكرز بعد ما شلت العبس منه او "البذور -.-" وحطيته بالمقلاة مع شوي زبده وحركته على النار شوي بعدين بعد ما طفيت النار خليته يبرد شوي ثمن حطيت عليه بس شوي سكر بودره وسكر بني وحطيت نتفة قرفه بس , بعدين حطيته فوق الشسمه ذاك "الخليط اللي بالصينيه" ودخلته الفرن لمدة 25 دقيقه تقريبا وطلعته وخليته يبرد شوي وصورته ^^ عاد هذي صورته الجميله

 

الطعم كان مره بططل صراحه خصوصا انه مو حالي مره فعادي تاكل عشر ورا بعض ما يوجعك بطنك ولا شي =)) الزبده انه عجب امي *.* وعجب ابوي بس اخواني الصغار يقولون فيه طعم فقس بالاخير -.-  يعني بعد ما يبلعونه يطلع لهم ذا الطعم الله يحوم تسبدهم بس والله ان طعمه حلو بس هم ما يعجبهم الا اشياء فيها تشوكلت ولا بينت بتر =)) المهم وشفنا اربس قوت تالانت والحممدلله فازوا خواطر الظلااام ~*.*~ سعاااده صراحه احسهم يستاهلون ابناء بلدي *.* >> الحين وش دخلني بذا السالفه؟ مدري والله الزبده الظاهر اني بديت احشش شوي خلاص والله بروح انام =)) ههه 

Peanut Butter Brownie

DAAAAY NINE (˘ ˘)

 

 

 

 اليوم كنا معزومين باليل وكنت قاعده ادور شي اسويه وكذا بس عجزت القا شي ينفع! فقلت باخترع شي من مخي الجميل ~*.*~ فاخترعت براوني بس بالبينت بتر ادري ابلشت امكم في بذا البينت بتر بس وش اسوي عاد احبه ياخي (˘ ˘)  اخذت المقادير من وصفة براوني عاديه وبعدين حطيت خمبقتي اللي من مخي الجميل ^^ المهم .. خلطت زبده لينه او "بحرارة الغرفه" مع سكر بني وابيض بعدين حطيت معه "زبادي اكتيفيا المخفوق" اللي قلت عنه في تدوينه سابقه انه زي الساور كريم بس بما انه ما فيه هذا المخلوق بالسعوديه صرت احط هذا الزبادي ويسوي نفس المفعول المهم عاد خلطت معه ملعقة بينت بتر وخلطتهم مع بعض بعدين حطيت البيض والفانيلا بعدين حطيت الطحين والبكينق باودر والملح وبعد ما انخلطو كويس "ما طولت بالتحريك عشان ما يطلع ناشف وكذا يعني", بعدين حطيت وايت تشوكلت تشيب ومع بينت بتر تشيب *.* ثمن عاد حطيته بصينيه ودخلته الفرن لمدة تققريبا نص ساعه لين تحمر وطلعته

 

 

عاد الطعم انا ماااررره خقيت على طعمه صراحتن كان لين وريحته جججميله خصوصاً ان طعم البينت بتر والتشوكلت مره كان قوي .. لأني صراحه احب النكهات القويه *.* احس اني قاعده اكل شي صدقي مب هواء :\ ! المهم اختي قالت انه حلو وكذا بس لو معه بسكوت او شي يكون شوي قاسي احطه معه ,لانه كله جاي لين وذا .. فقلت ودي اسويه مره ثانيه واحط معه البسكوت هذا "قراهام كراكرز" احسه بيضبط معه وبيطلع بططل ,بس بسويه في يومن اخر ان شاء الله 

(˘       ˘)   

Chocolate Cookie with Peanut Butter Felling

DAAAAY EIGHT

اوكي انا قلت امس اني بسوي شي بالاوريو والبينت بتر بس عاد هونت منيب مسويته :$ بسوي شي بالبينت بتر بس ثاني بدون اوريو هو كوكيز محشو بالبينت بتر او ممكن يكون اقرب للبسكوت :\ هو صراحه شي يوسع الصدر لانه عجين وكذا والعجين من الاشياء اللي تجيب السعاده ~*.*~ الزبده.. هو عباره عن عجينة كوكيز عاديه ~.. زبده لينه مع السكر الابيض و البني بعدين بعد ما ينخلطون احط البيض والفانيلا وبعد كذا احط خليط الطحين بس معه كوكو باودر كثير يعني تقريبا نص كوب كذا .. بس فيه شي نسيت اقوله اللي هو البينت بتر حطيت ربع كوب مع الزبده والسكر قبل ما احط الطحين المهم بعد ما ينخلطون يصيرعجين خلاص هذا عجينة الكوكيز او البسكوت نفسه .. اما الحشوه فهي مره سهله وطعمها جناااااااان > امزح والله! , المُهييم هي عباره عن بينت بتر مع سكر بودره ! وبعدين اسوي كوره واقسمها نصين واحشيها واكورها من جديد و احطها بالسكر وبعد كذا ادخلها الفرن .. عاد هنا انا قمت اخبص شوي يعني انا قريت انه المفروض احطها بس 7-9 دقايق! وانا احسها مرره شوي يعني خير كوكيز يقعد بس سبع دقايق!! فقلت بخليها زياده لين احس انها خلصت وخليتها تققريبا 18 دقيقه و يوم طلعتها كانت مره كويسه بس بعد ما قعد شوي برا صار يابس بس يابس شي بسيط يعني .. صراحه يباسته كانت حلوه يعني بالضبط زي البساكيت والاشياء هذي يعني مو انها يابسه ما تنوكل! بالعكس طعمها مره بططل صراحه بس انا وانا كنت اسويها جاي على بالي انها تصير مرره لينه فعشان كذا حسيت انها يابسه يعني ..,المهم عاد هذي صورته الجميله ^^  

   

ودي اسويه مره ثانيه صراحه فيه اشياء صغيره ودي اعدلها فيه :\ ان شاء الله يومن اخر

Graham Crackers Muffins

DAAAY SEVEN

 

 

 

اليوم كنت ناويه اسوي حلا فيه بينت بتر واوريو واشياء كذا جميله بس مشكلته انه يطول! يعني لازم يقعد شوي بالفرن وشوي بالفريزر وشوي بالثلاجه وحاله وانا اليوم كنت قايمه متأخر وبالليل بنطلع! فقلت ما يمدي لازم اسوي شي سريع فسويت مفن "عشقي ♥" ياخي لو ان المفن شخص لتزوجته! الزبده بلا كلام فاضي :| .. سويت مفن ببسكوت "قراهام كراكرز" الزبده خلطت الطحين مع البيكينق باودر مع شوي ملح مع كوب من البسكوت هذاك" المهم وبعدين خلطت بالخلاط البيض مع الحليب مع الزيت مع السكر بعدين شوي شوي حطيت خليط الطحين هذا وصار ثقيل كذا ثمن عاد حطيت التشوكلت تشيب وحطيته بالصينيه حقت الكب كيك وبعد كذا سويت "توبينق" هذي تنحط فوق المفن .. هذي من الاشياء اللي تخلي المفن فائق الجمال >> متعوب عالكلمه الزبده وهي عباره عن البسكوت هذا مطحون مع سكر بني مع طحين مع قرفه و كم ملعقه زبده سايحه وبعدين اخلطهم كل ابوهم مع بعض واحطه فوق المفن وبعدين عاد ادخله الفرن لمدة كذا ربع ساعه تقريبا 

طعمه كان مره جميل خخخصوصا اللي فوق كان معطيه طعم مرره بططل ♥♥وكلهم مدحوه وكذا عاد ان ششا الله بكرا اسوي هذا الشي اللي فيه اوريو وبينت بتر هو صح راعي طويله بس احس ان طعمه يستاهل *.* .. وايه فيه شي ودي اقوله اللي هو التشوكلت تشيب قبل ما تحطونه مع الخليط خذو ملعقه من الطحين و اخلطوه معه بعدين عاد حطوه مع الخليط حق المفن .. هذا يساعد على انه ما تصير التشوكلت تشيب متكومات باخر المفن من تحت إذا دخلتوه الفرن .. ويصير متوزع كويس من فوق ومن تحت مو بس من جهه وحده! 

Marshmallow White Chocolate Bars

DAAAY SIX 

اليوم كنت ناويه اروح اشتري البسكوت اللي قلته امس اللي هو 

"Graham Crackers"

عاد رحت انا واختي وقعدنا ندوور ونحوس لين دخنا وما لقيناه بس لقينا شي يشبه له فقلت يالله معليش يمكن يصلح ..الزبده هو طريقته سهله و توسع الصدر وهي انه جبت كيك جاهز اصفر حق بيتي كروكر وحطيت معه بيضه وحده واصبع زبده لين "او بحرارة الغرفه" يعني ما سويت نفس اللي مكتوب ورا الكرتون ,اللي مكتوب ورا الكرتون ثلاث بيضات وكاس وربع مويه و مدري كم زيت الزبده اني ما سويت زيه وصار بدال ماهو سايل صار مثل العجين "وهازا هو اللي ابيه" المهم قسمت العجينه الى نصين واخذت نصها وفردتها على صينيه "مربعة الشكل" .. بعد تسذا صفيت البسكوت اللي شريته اليوم فوق العجينه بعدين حطيت ميني مارشملوا و مع وايت تشوكلت تشيب و بعدين حطيت النص الثاني من العجينه و حطيت فوقه شوي من حليب نستله المركز عليه ودخلته الفرن تقريبا نص ساعه كذا ويوم طلعته ريحته كانت اججمل شي بالحياة  هذي صورته

طعمه كان مره جميييل وريحته اجمل وكلهم ذاقوه وعججبهم مره بس كل ما اكله احد قال الللهه لو معه قههوه بس!! فعرفت يعني انه حالي شوي =)) والبسكوت كان مره مزين الحلا صراحه طعمه كان بططل

ايه وبس ان شاء الله بكرا بسوي شي ثاني بالبسكوت هذا الخونفشاري ~*.*~ <<عنز بدو طاحت بمريس.. مدري المثل له دخل ولا لا تراني ماقد قلت مثل بمكانه الصحيح هههه , المهم اعتذر على التأخير بتنزيل المدونات بس النت عندي ابو كلب! >والله محد درا عنك روحي نامي بس =))

Cinnamon Muffin with Brown and White Chocolate Chip

اليوم الخامس 

اليوم كنت مره مشتهيه شي فيه وايت تشوكلت عاد قعدت ادور وصفات وكيذا ولقيت كم شي جميل بس كل الحلويات اللي لقيناها حلوه كان معها بسكوت اسمه 

"graham cracker"

وكنت ناويه اني اشتريه واسوي الحلويات الجميله هذي بس ماقدرنا اليوم نشتريه ..ان شاء الله بكرا الزبده..عاد قلت مالي الا اني اسوي مفن *.* ♥♥ عاد انا عشششقي المفن من اجمل الاشياء بالحياة صراحتن *.* احسن من الكب كيك اللي كله كريمه يوجع التسبد -.- ,, المهم عاد قلت خلاص بسويه (˘    ˘) ... وهو اني ذوبت زبده وخلطتها مع السكر الابيض والبني وشوي فانيلا ومع الحليب والبيض وحطيت شي يمكن يصير غريب شوي بس يخلي المفن ششي خونفشاري*.* >> صراحه مدري وش معنى الكلمه بس ودي اقولها =)).. الزبده انه هذا الشي اسمه "ساور كريم" بس بما انه ما عندنا بالسعوديه هذا الشي حطيت زبادي اكتيفيا المخفوق وهذا يشبه له كثير ويسوي نفس المفعول الخونفشاري~*.*~ =)) المهم بعد ما خلطتهم كلهم مع بعض حطيت الطحين والبكينق باودر وشوي ملح وشوي قرفه , القرفه دايم تخلي الشي ججججميل جددن وتطلع طعم التشوكلت وتخليه احلا بعشرين مره بس عاد شوي موب كثير! المهم بعد خلطته كويس حطيت التشوكلت تشيب الابيض والعادي "اقصد التشوكلت البني يعني" بعدين حطيتهم بالصينيه ودخلته الفرن لمدة 18 دقيقه تقريبا .. وايه صح قبل لا ادخله الفرن حطيت فوقه زياده تشوكلت تشيب" عشان الشكل يعني وكذا :$ وطلعت ريحته جمييلااه ~*.*~ عاد هاذي صورته

عاد الطعم كان صراحه مدري كيف اشرح يعني كان جددن جميل يعني موب قصدي امدح طبخي وكيذا يعني اصلا انا عارفه ان طبخي جميل وكذا بس هذا الشي صراحه يعني مدري شقول *.* ♥♥ جممميل مرره  >>احس اني تحمست شوي بالتعبير بس ما يخالف خن اعبر عن شعوري =)) الزبده كلهم عجبهم واخوي عجبه مع انه ما يحب القرفه مره >مدري كيف عايش يعني فيه احد ما يحب القرفااه !! الزبده معليش شوي زادت سماجتي لان فيني النوم وانا اكتب فقعدت اخمبق عليكم شوي هههههههههه ,, وشكرا مررره لكل اللي قاعدين يقرون ياخي والله لو الود ودي كان طبيت عند كل واحد وخميته لين تفككت ضلوعه مير اشوى اني ما اقدر ^^ وااحبيلكم بس (˘      ˘) ♥♥

Mocha Meringue Cookies :D

نعود مقددا "مجددا" باليوم الرابع (˘ ˘) 

اليوم سويت كوكيز وعدته ثلاث مرات 0.0 هو شي غريب شوي اول مره اشوف شي

زي كذا غريب فقلت خن اسويه لأني احب اسوي اشياء غريبه وتسذا يعني .. الزبده

انا اخذت الطريقه من هذي الشخصه 

http://www.youtube.com/watch?v=F0rrmsM21Hk 

بس ما ضبط !عاد انا كنت قاريه اكثر من طريقه لهذا الكوكيز وكلهم يحطون معه شي اسمه 

"Cream of Tartar"

  الا هاذي حقت الفيديو اللي فوق ما حطت :\ .. عاد ما عندنا هذا الشي فقلت خلاص دامها هي ما حطته ومع ذلك ضبط معها! فأكيد حقي بيضبط يعني! بس مع الاسف طلع "حواق :|" طلع سايل وهو المفروض يطلع زي الكريمه والمفروض يطلع ثقيل وكذا الزبده اني كبيته :\ هذي كانت المحاوله الاولى 1~ الزبده عاد سويت واحد جديد بطريقتي انا :$ خلطت بياض البيض مع شووي ملح لمين طلع زي الكريمه بعدين حطيت عليه خليط "السكر مع النشا" ملعقه ملعقه وطلع بالضبط زي الكريمه وجميل وكل ابو شي بس بعدين حطيت الكوكو باودر مع الكوفي وبدا ينسم -.- بدا يصير سايل زي اللي قبله و بدا يخرب بس قلت معليش مالي دخل بحطه يمكن يزين بالفرن =)) المهم عاد يوم حطيته بالفرن لمدة اربعين دقيقه .. يوم خلص طلعته عاد طلع شي ما ادري وشوو يعني الصراحه يحوم التسبد :\ يابس و يقهر كذا مدري وشلون جاي :| وهاذي كانت المحاوله الثانيه 2~  الزبده عاد قلت بشتري هذا "كريم اوف تارتر" واحطه معه يمكن يضبط .. بس كنت خايفه انه ما نلقاه او ما يصير فيه بالسعوديه وكذا عاد راحوا امي واختي يدورونه واشوى الحمدلله لقوه ~*.*~ المهم عاد سويت نفس الكوكيز بس بطريقه مختلفه شوي .. فيه حلا ثاني اسمه

"Pavlova"

 هذا يشبه له إلا حد ما ,بس غير شوي .. هذا الرابط حق الفيديو الثاني

http://www.youtube.com/watch?v=EP4zNAtrMQ0 

كأني دمجت بين الفيديوين  يعني سويت نفس طريقة الفيديو الثاني بس اضفت عليه كوكو باودر مع كوفي وتشوكلت تشيب وزياده بعد حطيت وايت تشوكلت تشيب وخليته كور ..قصدي على شكل كوكيز يعني ^^  الزبده .. هو ضبط صراحه
 طلع منفوخ كذا زي الكريمه الثقيله و شكلها يوسع الصدر عاد حطيتها بالفرن لمدة 40 دقيدزه >>يعني دقيقه >> ي سمجك -.- .. الزبدااه بعد ما خلص من الفرن طلعته وخليته يبرد لمدة عشرين دقيقه عاد يوم ذقته طلع شيءٌ غريب جدن صراحه يعني طعمه كان مرره جميل من الوسط بس الاطراف شوي ميبسه -.- يعني احس لو اسويها مره ثانيه ودي اعدل شي واحد عشان ما يطلع ميبس هو انه إذا خلص من الفرن اطفيه واخليه قاعد جوا الفرن عشرين دقيقه بعدين اطلعه احس كذا بيطلع اجمل شي بالحياة ~*.*~ عاد ان شاء الله بسويه مره رابعه ليين يضبط ويطلع تمام اتمم شي بالحياة *.* 

المهم عاد ذي صورته