Nutella Swiss Roll ~

يا هلا يا هلا ^^

اليوم كنا مرتبطين بالليل بعزيمه يعني لازم اسوي شي سريع وكذا 

فسويت سويس رول بالنوتيلا صراحه اول مره اسوي شي زي تسذا يعني رول وحركات

الزبده، هو عبارة عن كيك يسمونه اسفنجي .. بس نحيف مره عشان نقدر نلفه 

المهم .. حطيت خمس بيضات وفصلتهم عن بعض البياض خلطته بالخلاط الكهربائي وطلع زي الكريمه  الخفيفه  كذا والصفار خلطته مع سكر وحطيت شووي عسل .. انا صراحه ما احب العسل ولا احب احطه مع طبخاتي وكذا بس عشاني اول مره اسوي سويس رول وكذا قلت بسويه مع كل المقادير بعدين عاد إذا بغيت اسويه مره ثانيه يمكن اغير شي ولاش =)) بس يوم سويته ما طلع طعم عسل ابدن لأني حطيت بس نص ملعقه :$ المهم عاد احس لو ببدله بحط بداله "شراب الذره" لانه نفس الثقل وكذا  طعمه احلا من العسل (بالطبخ يعني) لا تقعدون تبلشوني العسل مدري وشو انا ما احبه ياخي طعمه معفن ويجيب حرقان -__- ! الزبده ..خلطته طلع شي ثقيل كذا

يشبه الكريمه بعد بس هذا كريمه ثقيله عاد ..بعدين خلطت البيضات مع بعض (اقصد البياض والصفار) مع بعض وحركته بشويش عشان ما تروح انتفاخة الكريمه او شكل الكريمه يعني .. لو بحركه بسرعه كان نسم وطلع سايل ! المهم حطيت عليه الطحين بعد ما نخلته او شخلته مدري وش تسمون الحركه هذي =)) المهم بعدين اخذت قطعه من ورق البارشمينت بيبر و قصيته على المقاس اللي ابيه وصبيت عليه الخليط ودخلته الفرن هو لازم "ما يتحمر ابدن"..هنا عاد مدري ليش الغباء الزايد حسيت انه لازم يتحمر من فوق لانه من تحت بيطلع ابيض مدري كيف كنت افكر صراحه ارفع الضغط =)) الزبده انه تحمر شوي بس ماعليه ~*.*~ المهم طلعته وخليته يبرد شوي بعدين نثرت فوقه سكر عشان ما يلصق بعدين غطيته بمشمع او ورق بلاستك او مدري وش تسمونه الزبده .. خليته لين يبرد مره بعدين  دهنته بالنوتيلا ولفيته ويوم لفيفته حطيته بالفريزر ورحنا للعزيمه، وبعد ما رجعنا طلعته و قطعته وصورته وهذي صورته <3

وبالنسبه للطعم موب كل اللي بالبيت ذاقه لاني قطعته متأخر وكنا كلنا متعشين فمحد له نفس ياكل بس انا ذقته وعجبني طعمه مره جميل صراحه خصوصا انه بارد مره والكيك لين فيطلع طعمه كذا مدري كيف الزبده انه شي جميل واختي ذاقته و عجبها بعد بس تقول حالي مره يبيله قهوه بس ويطلع اوكككي , وامي عجبها بعد بس مدري ليه احسها تسلك لي شوي =)) بس اكيد لأنها توها متعشيه وهذا حالي وكذا الزبده اني انبسطت اني قدرت اسويه لأنه احس انه صعب احد يقدر يتحكم بكيكه نحيفه مره زي كذا "بالنسبه لي يعني" و

بس يعني بحاول اني ما اتخيل اشياء غبيه زي اليوم عشان ما يحترق عاد زين انه بس تحمر =))