Peanut Butter and Hershey's Kisses Cookie

صباااح الخير او مساء الخير او عصر الخير او ظهر الخير او مغرب الخير او .. خلاص عاد زودتها

المهم الوقت اللي تقرون فيه الحين =))

اليوم كنت مره مشتهيه شي بالبينت بتر فسويت كوكيز بالبينت بتر مع كسيس 

 "Kisses"

شفت ان كل المقادير سهله و موجوده وسريعه وكذا ممتعه وتجيب السعاده فقلت خن اسويها ^^  .. اول شي سويته

طلعت الزبده عشان تلين لازم نصير لينه ولا ما يضبط و بعد مالانت بديت اجهز كل شي واحطه قدامي المهم خلطت الزبده مع السكر الابيض و البني مع بعض بعدين حطيت البيض و الفانيلا 

الفانيلا صراحه انا احب السايله لأن نكهتها اقوى واحسن بككثير من البودره بس مع الاسف خلصت السايله و عججزت القاها دورت بكل السوبر ماركات ما لقيتها رحت لبنده والتميمي والدانوب ولا لقيت شي وامي ما تذكر من وين كانت شاريتها =( ,عاد ان شاء الله القاها بقعد ادورها لين ادوخ!

 الزبده .. بعد ما خلطت البيض و الفانيلا مع السكر والزبده حطيت طحين مع البيكنج صودا و شووي ملح واخر شي عاد حطيت البينت بتر .. طلع ثقيل شوي بالبدايه بس بعد ما حركته كويس صار زين وبعد كذا استخدمت ملعقة الايس كريم عشان يطلع كل شي متساوي وكذا وعشان بعد يطلع بسرعه احسن بكثير من اني استخدم ملعقتين لأنه اولا ما راح يطلع متساوي و بياخذ وقت كثير -.-  

,الزبده .. ملعقة الايس كريم حقتي كبيره شوي فصرت اخذها واقسمها نصين , وطلع مقاسها تمام *.*  بعدين احطها بالسكر واحطها بالصينيه  ودخلتها الفرن .. وعلى بال ما تتحمر وكذا قعدت افكك التشوكلت "كيسيس" عشان تصير جاهزه من اوول ما تطلع من الفرن احطها عليه على طول ويوم خلص الكوكيز قعد تقريبا عشر دقايق بالفرن .. على طول حطيت عليه التشوكلت بعدين خليته يبرد لمده خمس دقايق تقريبا بعديت شلتها وحطيتها بصحن وهذا شي مره مههم باي نوع من الكوكيز انه ما يتحرك من الصينيه حقت الفرن الا لمين يبررد تماما عشان ما يتقطع ويتفتت ويخرب ابو الشكل .. المهم عاد هذي صورته 

 

عاد نجي للطعم انا عن نفسي طلع نففس اللي كنت ابيه 3> كذا يكون طعم البينت بيتر واضح ونفس الكوكيز جميل يعني لا هو لين مرره  كانه عجين ولا هو ميبس .. طالع مره جميل  كذا ما يتناثر و لا شي .. وابوي عججبه مره الحمد الله صراحه اكثر شي انبسط عليه إذا عجب ابوي ~*.*~ شعور يجيب السعاده =)) .. واخواني بعد عجبهم مره  3> .. اكتشفت ان كل العايله تحب البينت بتر ياخي والله انه من اجمل الاشياء بالحياة ومن اكثر الاشياء اللي تجيب السعادااهه ياخخي =)) ~*.*~  >> تحمست