Chocolate Souffle ~

DAAAAY ELEVEN

اليوم من قمت وانا مشتهيه سوفليه *.* عاد تحمست اني اسويه لاني قبل كنت اسوي سوفليه خربوطي شوي كنت ماخذه الوصفه من كتاب النخبه -.- ومره تضبط وعشر مرات لا :\

 فقلت بدور وصفه كويسه و غير عن اللي كنت اسويها عاد يوم قعدت ابحث وكذا اكتشفت ان الطريقه اللي كنت اسويها غيييييير مره >< كنت اسيح زبده عالنار مع طحين وسكر بعدين احط كوب ونص حليب بودره وكوب ونص نسكويك ومويه واخلطهم مع بعض واصبه عليه وبعدين اخلط بيضه مع بيكنق باودر وفانيلا واصبه عليه بعد وبعدين ادخله الفرن ثلث ساعه وكل مره يطلع زي الكيك النااشف ولا يطلع سايل مره ...

 بس الطرق اللي شفتها ولا وحده صارت زي كذا:\ المهم 

بقولكم الطريقه .. اول شي احط عالنار حليب مع سكر وعلى بال ما هو عالنار اخلط صفار بيض مع شوي طحين وسكر ,ولامن غلى الحليب صبيته على خليط صفار البيض اصبه شوي شوي لمين يختلط مع بعض كويس بعدين احطه كله عالنار مرتن اخرى لمدة 40 ثانيه او لين يبدا يثقل شوي

 بعدين اطفيه وعلى طوول احط نص كوب تشوكلت " قطعه من لوح تشوكلت عادي بس مقطعته قطع صغيرة" الزبده 

احط هذي التشوكلت مع خليط صفار البيض والحليب واحركه لين يميع او يموع التشوكلت :$ بعدين احط شوي من الكوكو باودر واحركه كويس

 بعدين عاد بالخلاط او ال

 "MIXER"

احط بياض البيض مع شوي من 

"CREAM OF TARTAR"

واخليه يخلطه شوي بعدين احط ملعقتين بس سكر واخلطه لميين ينتفخ يطلع شكله زي الكريمه شكلها يوسع الصدر *.*

 الزبده, بعدين اخذ شوي من الكريمه "هي مو كريمه بس بسميها كريمه عاد" المهم اخذت شوي من الكريمه وحطيتها على الخليط اللي سويته قبل , بس احركه بشوووي شوي عشان ما تروح الانتفاشه حقت الكريمه او ما ينسم يعني الزبده اقعد احط على شوي شوي لين تنخلط الكريمه ثمن اصبها بالقوالب مدري البوادي مدري شسمها ذي حقت السوفليه البيضا ,وادخلهم الفرن انا كنت حاطه درجة الحراره  200 وبعد 10 دقايق غيرت درجة الحراره وحطيتها 180 واحط الوقت 20 دقيقه بعدين عاد طلعته على طول ورشيت عليه السكر المطحون وهازي صورته الجميله

   

عاد انا قبل ما اصب الخليط كنت مسويه حركه اكتشفت انها بايخه :)! انا قريت الطريقه ومكتوب انه اقص ورق الراشمينت بيبر واحطه حوالين الباديه واصب السوفليه بالوسط انا صراحه ما فهمت الحكمه منها بس سويت كذا قلت بشوف وش بيصير وطلع شكلها غبي شوي المهم طعمها كان جيد جدن بس انا تخيلته احسن من كذا توقعت انه بيصير زي الكريمي من الوسط بس صار كله زي الكيك! هو ححلو طعمه مره بس بالنسبه لسوفليه احسه انه موب مره زين يعني مدري كيف يقهر -.- شكلي بسويه مره ثانيه وبشوف اغير شوي بالطريقه وذا عشان يضبط ويطلع الي اللي براسي الزبده احس اني قرقت واجد اليوم بس وش اسوي عاد الخطوات كثيره شوي^^