DAAAY SEVENTEEN
اليوم سويت شي قد تكلمت فيه من قبل وحطيت الرابط حق الفيديو اللي هو
طعمه صراحه كان غريب مره ! بس بطططل ♥♥ يعني مدري كيف جاي كانه كيك على كريمه على مارشملو على ذاك حلاو قطن مدري شعر البنات مدري شسمه ذا الزبده انه غريب وجميل بنفس الوقت , بس مشكلته انه صار ححالي مره لاني انا كنت اتخيل ان هذا الشي اللي تحت "البافالوفا" ما راح يصير حالي! تخيلته بيطلع كذا مافيه طعم قوي فكثرت سكر بودره بالكريمه بس عاد طلعت حاليه وانا زدتها حلاوه بس ماعليه هو "حلا" بالاخير ولا لا؟
اليوم سويت شي قد تكلمت فيه من قبل وحطيت الرابط حق الفيديو اللي هو
"Pavlova"
هذا يشبه الميرانقو اللي امس تكلمت عنه , مرره بسيط وسهل ويجيب السعاده وكذا وهو عباره عن بياض البيض اخلطه لين تطلع شوي فقاعات كذا بعدين احط "كريم اوف تارتار" بعد كذا ابدا احط السكر على ملعقه ملعقه لين يخلص السكر واطفي الخلاط واحط شوي نشاء وفانيلا يطلع مثل الكريمه الثقيله ,بعدين حطيته بالصينيه على شكل دائره كبيره ودخلته الفرن ,, هنا لازم يدخل الفرن 50 دقيقه بالضضبط ,بس من التننناحه الزايده فيني اليوم نسيت اشغل التايمر الا بعد شوي قسم بالله ارتفع ضغطي!! يعني ما قد نسيت احط التايمر بس يوم صار شي مررره مهم الحين نسيته -.- عاد حطيت رقم من عندي صراحه ,, الزبده بعد ما خلص الوقت اللي من مخي طفيت الفرن بس خليت الصينيه جوا الفرن و فتحته فتحه بسيطه وخليته يقعد يمكن ساعتين او ثلاث ,, وقعدت اجهز الكريمه وهي عباره عن كريمة الخفق مع سكر بودره اخلطه او "اخفقه" لين تصير كريمه وبعدين سويت زي الصوص حطيت فراوله مجمده مع شووي مويه بالخلاط وخلطته لين صار سايل وحطيته على النار وعصرت عليه برتقاله وخليته لين بدت تطلع فقاعات صغيره بس ,وطفيت النار صراحه ..طعم الصوص ذا ججااممد والله *.* ♥♥ .. الزبده عاد قعدت اقطع خوخ ♥♥♥♥♥♥, وحطيت معه كرز بعد ما طلعت الشي اللي جوا ذا مدري شسمه -.- الزبده عاد طلعت الصينيه من الفرن وحطيت فوقه الويب كريم اللي سويته بعدين فوقه الفواكه وصبيت عليه الصوص الجميل حق الفراوله 
طعمه صراحه كان غريب مره ! بس بطططل ♥♥ يعني مدري كيف جاي كانه كيك على كريمه على مارشملو على ذاك حلاو قطن مدري شعر البنات مدري شسمه ذا الزبده انه غريب وجميل بنفس الوقت , بس مشكلته انه صار ححالي مره لاني انا كنت اتخيل ان هذا الشي اللي تحت "البافالوفا" ما راح يصير حالي! تخيلته بيطلع كذا مافيه طعم قوي فكثرت سكر بودره بالكريمه بس عاد طلعت حاليه وانا زدتها حلاوه بس ماعليه هو "حلا" بالاخير ولا لا؟
0 comments:
Post a Comment