Molten Lava Cake

DAAAAY 24

اليوم كنت مره مشتهيه شي زي السوفليه كذا ,عاد فيه وصفه من زمان وانا اقول ودي اسويها وهي شي بين الكيك وبين السوفليه اللي يشوفه يقول كيك بس من جوا كانه سوفليه اسمه

Molten Lava Cake

عاد قعدت ادور وصفه كويسه وكل وحده غير عن الثانيه -,-! ما لقيت ولا وصفتين متشابهات! عاد قلت بسوي اسهل وصفه اللي ما فيها خرابيط واجده وكيذا عاد سويته والطريقه هي اني اذوب تشوكلت مع زبده في حمام مائي او مدري شيسمونه بعدين بزبديه ثانيه اخلط صفار بيض مع سكر وشوي فانيلا لين يصير كريمي بعدين اصب عليه التشوكلت السايحه شوي شوي طبعا عشان ما تطبخ البيض ويصير فيه كتل وتصير حفله , الزبده بعد ما انخلط كويس وكذا , بالخلاط حطيت بياض البيض مع شوووي كريم اوف تارتار وبعد شوي حطيت شوي سكر >>يالييل اللشوي=)) الزبده طلع زي الكريمه بعدين صبيته على خليط التشوكلت وحطيته بالبوادي حقت السوفليه "ريميكنز" ودخلته الفرن بس قبل ما صبيت الخليط دهنتها بزبده وحطيت عليه شوي سكر عشان ما يلصق شي , المهم خليته بالفرن 15 دقيقه ويوم طلعته صار زي السوفليه بالضبط بس اسيل شوي> يعني سايل اكثر , المهم ما عجبني :\ دخلته الفرن مره ثانيه لمدة 10 دقايق ويوم ناظرته لقيته منفجر =))) مدري كيف انتفخ كذا وطلع من الجوانب والحاله صعبه=)) عاد يوم ذقت لي حبه طعمه بططل مره جاي كانه سوفليه بس مو سايل مره , عاد خليته يبرد شوي 

ويوم رجعت لقيت شككككله -__________- !!! يعني والله مدري شقول صراحه طلع منسم كذا وشكله مخخخخيس مره تكرم النعمه =)) بس والله طعمه بطل =)) اقسم بالله كل ما تذكرت شكله فقعت ضحك =)) ما ينفففع اصوره ابدددن فعشان كذا ما حطيت صوره اليوم معليش=))))) بس انقهرت صراحه يعني عجزت اسوي سوفليه زي الناس! ولا بعد المروض انه يطلع "مولتن لافا كيك" مو سوفليه وطلع الشكل الغريب ذا =)) الزبده عاد ان شاء الله بسوي وصفتن اخرى بعدين وبضبطه واصوره

( ︶︶ )