DAAAY 26
اليوم كنت ابغا اسوي شي غير! طفشت من المفن والكوكيز والاشياء ذي ابغا شي غير شوي , عاد قلت بسوي مكرونز *.* انا كم من مره اشوفه وكذا
بس ما فكرت اني اسويه ابد احس انه فيه اشياء صعبه مره ولا مقادير مو بالسعوديه ولا شي زي كذا! ادري تحمست شوي بس شفت ان الحبه الوحده ب13 حسيت انه مره صعب يعني! بس عاد يوم شفت وصفتها ومقاديرها
لقيتها سهله مره بس يبيلها دقه شوي عاد قعدت اشوف وصفات كثيره وكذا وقلت بسوي وحده عاديه وبحط معها الوان طعام ~*.*~ ,الزبده عاد سويتها وهي اني اخفق بياض البيض لين تصير فيه رغوه كذا , بعدين احط شوي سكر واخلطه مره ثانيه لين يصير زي الكريمه بعدين بزبديه ثانيه اخلط سكر بودره مع
"almond flour"
هذا لوز مطحون طحن نااعم لين يصير شكله زي الطحين ,فيسمونه "طحين اللوز" او دقيق اللوز~ ,المهم اخلط هذا الطحين مع سكر بودره واخلطه مع بياض البيض بشوي شوي بعد ما اختلط كويس قسمته ثلاث اقسام اول قسم حطيت معه شوي نكهة التوت ولون احمر والقسم الثاني والثالث حطيت معه فانيلا والوان ,واحد ازرق والثاني اخضر بعدين عاد صبيتهم بالصينيه على شكل نقط ^^ وخليته يقعد له شوي يمكن عشرين دقيقه كذا ثمن دخلته الفرن , انا سويت صينيتين الاولى طلعتها بعد 12 دقيقه وشوي كذا , اما الثانيه مدري شفيني فهيت وطولت بالفرن وتحمرت شوووي من تحت بعدين "حشيتهم" اللي بالتوت حطيت مربى التوت والخضراء حطيت نوتيلا والزرقاء حطيت بودينق جاهزه شاريتها بالتشوكلت
هي صراحه طلعت "مقرمشه" اكثر من انها لينه! وما طلعت زي المكرونز بالضبط بس زين مني اني سويتها صراحه توقعت انه بيطع شكلها مرره مخيس بس كويس انها طلعت كذا ,بس الوحيده اللي جايه مضبوطه الزرقا جايه كذا لينه وجميله وكل شي عاد ان شاء الله بسويها مره ثانيه واضبطها صح
0 comments:
Post a Comment