DAAAY 29
ادري بتقولون بددددري يالحبيبه!!! بس عاد وش اسوي كنت مشغوله والله :$ بس ما خسرت التحدي ~*.*~يعني سويت من بنفس اليوم اللي قبل رمضان بس ما كتبت تدوينه المهم سويت رد فيلفت تشيز كيك مع اوريو عاد اللي يضحك بالموضوع اني سويت الحلا على انه كيك مو تشيز كيك! ما انتبهت زين للوصفه بعدين بعد ما سويته استوعبت انه تشيز كيك يالله لا تعمينا ,الزبده شكلي نسيت الطريقه بس بقول اللي اذكره ^^ اول شي اطحن اوريو لين يصير بودره بعدين اذوب معه شوي زبده وارصه بهذيك الصينيه ’امي تسميها "الصينيه ذو القاعده المتحركه" =)) الزبده بعدين اسوي التشيز كيك وهو اني اخلط كريم تشيز"فاليدالفيا" تصير دافيه ولينه مع سكر بعدين احط البيض واصير خالطته قبل بعدين احط كوكو باودر وساور كريم او زبادي اكتيفيا المخفوق بعدين حطيت شواااي خل وشوي فانيلا ولون طعام احمر بعدين صبيته بالصينيه اللي فيها الاوريو ودخلته الفرن درجة حراره 160 لمدة 10 دقايق بعدين وطيت الحراره لين 140 وخليته ساعه و15 دقيقه بعدين طلعته وخليته يبرد شوي برا يمكن نص ساعه كذا وبعدين دخلته الثلاجه 8 ساعات :) اقسم بالله طفش كل خطوه يبيلي اقعد سنه وست شهور اعوذ بالله بس قلت ما عليه المهم عاد اللي فوق حطيت كريم تشيز وشوي زبده "كلهم لينات" مع سكر بودره وشوي فانيلا وصبيته فوقه
طعمه كان لا بأس به مو مره حلو يمكن لاني ما احب التشيز كيك مره ويمكن لانه طولت وانا اسويه ^^ ,الزبده عاد, رمضضضان كريم ينعاد علينا وعليكم بالصحه والعافيه ان شاء الله وتقبل الله صيامكم وكذا يعني وكملت التحدي وسويت 29 طبخه *.* والحين قاعده احاول اني اضبط الماكرونز سويتها خمس مرات واليوم بسوي السادسه بعد لييين اضبطها ^^ قاعده ادور لي الوصفه الاصليه(˘ ˘) والححمد لله لقيتها وهي اللي بسويها اليوم ان شاء الله تضضضبط تعبت وانا كل مره اعيدها
0 comments:
Post a Comment