Cherry Custard Tartlets

DAAAAY FIFTEEN 

اليوم كان عندنا عزيمه ببتينا فقلت لازم اسوي شي قد سويته من قبل وحلو طعمه وكذا بس من شروط التحدي انه ما اعيد الحلا مرتين! الا إذا كان خربان ولا بعدل فيه شي عاد قالت اختي سوي مفن انا كنت مسويته من زمان "بس موب بالتحدي" مفن بالقرفه انا صراحه ما كان لي خلق اسويه يعني مدري كيف ما كنت مشتهيته وغير كذا ودي اسوي شي جديد بس المشكله اخاف ما يطلع زين واتوهق 

لان الحلا اللي بسويه بنحطه للضيوف,الزبده اني سويته بقوله باختصار هو فيه زي الحشوه عباره عن قرفه وسكر بني وشوي زبده لينه وشوي مويه وفيه بعد "توبينق" الشي اللي ينحط فوق المفن زي المفن اللي قد سويته

  وهو عباره عن "شوفان" وسكر بني وقرفه وزبده لينه المهممم ما علينا من ذا المفن انا سويته و حطيته مع القهوه

 ولا امداني اصوره ولا شي وانا اصلن ما خش مزاجي -.- مدري كيف ما ودي يصير هو "حلا اليوم" يعني المهم بعد ما راحو الضيوف وكذا قلت بسوي شي سريع وما يبيله شي وكان الوقت متأخر الساعه كانت 2 ونص الظاهر المهم عاد قلت بسويه وهو زي البسكوت جواه كاسترد *.* او محلبيه على قولة جدتي =)) بس الظاهر ان ال"محلبيه" غير شوي عن الكاسترد ^^ المهم ومن فوق احط 

"Cherry Pie Filling"

 الزبده الكاسترد قريت طريقته حواقيين كثيره وبيض وحليب وحاله بس امي دايم تسوي كاسترد بططل بس بطريقتن اخرى ,, فيه بودره حقت كاسترد هذي احطها مع حليب بودره وسكر ومويه واحركها عالنار لين تصير ثقيله وجميله تجيب السعاده وكذا الزبده عاد شلتها من النار وصبيتها بباديه او زبديه كبيره و غطيتها بورق بلاستك

او مشمع او نايلون ياخي والله مادري وش يتسمى هذا الشي الزبده انه 

  -.-"plastic wrap"  

المهممم فيه شي مهم جدن بالكاسترد انه اذا بتستعملونها بشي وتبون تحطونها بالثلاجه لازم تخلون ورق البلاستك لاصق بالكاسترد ولا بيجمد بعدين ما ينفع تسوون فيها اي شي,المهم عاد حطيت الكاسترد بالثلاجه وبديت اسوي العجينه حقت البسكوت او الشي اللي تحت وهي ماااره بسيطه بس زبده "لينه" وطحين وشوي سكر اعجنهم مع بعض كويس واحطهم بصينية الكب كيك الصغار ذوليك ,الزبده اني عفففنت وانا احطهم بالصينيه وانكسر ظهري -.-  ,المهم دخلته بالفرن الجميل لمدة عشر دقايق لين تحمرت شوي .. يوم طلعته على طول قعدت انقزهم من الصينيه ويوم تكسرت :| والله جتني الصيحه انقهرت قلت بعد كل ذا التعب وانكسر ظهري وحالتي حاله اخر شي تتكسر وتتفتت؟ غش والله :( المهم قعدت انقزهم وانا اتحلطم يوم قلت بخليها شوي تبرد يمكن تزين , عاد يوم خليتها شووي بس يمكن دقيقه! ويوم حاولت اشيلها طلعت على طول ~*.*~سعااده صراحه =)) التعب اللي تعبته ما راح هباءً منثوراً <<ما كأني تحمست شوي :\ ؟ اوكي ما علينا.. بعد ما طلعتهم كلهم طلعت الكاسترد من الثلاجه وحطيته بكيس بلاستك وقصيت زاويته بس فتحه صغيره وقعدت اصبب جوا كل حبه بعدين اخذت هذاك الشي حق الكرز وحطيته فوقه

وطعمه جمييل جميييل جمييييل ~*.*~ والله بلعت ثلاثه بدون ما احس *.* >اقول اها بس -.-,المهم اني خقيت عليه وامي خقت عليه واختي بعد 

وكل العائله الكريمه ^^  >> نصابه اصلن كلهم نايمين -.- الزبده مدري شفيني اليوم قمت احشش! بروح انام بس