Cookies with Meringue On Top ~

DAAAAY SIXTEEN

اليوم فيه عزيمه بعد :) بس موب ببيتنا , والله اني ما احب العزايم والعروس ياخخي قلق قسم بالله =( الزبده اني ما رحت والمشكككله الاكبر ان شغالتنا راححت :) ان شاء الله ترجع بكرا الموهيييم ما علينا  ,سويت شي جدددن جمميل وهو عباره عن طبقة كوكيز تحت وفوق طبقة مارينقو ,, اول شي سويت الكوكيز طبعا زبده لينه مع سكر ابيض وبني وبعدين حطيت صفار بيض وبعد ما اختلط كويس حطيت الفانيلا وملعقة مويه بعدين بديت احط الطحين "طبعا الطحين خالطه معه بكينق باودر وبكينق صودا وملح" واعجنهم مع بعض بعدين اخذ العجينه وازينها بالصينيه واخليها متساويه بكل الاماكن بعدين عاد اسوي المرانقو *.* اخذ بياض البيض و اخلطه بالخلاط او "المكسر" لين تطلع فيه فقاعات كذا , بعدين ابدا احط على شوي شوي سكر بني لين صار كريمه عاد الوصفه ما فيها "كريم اوف تارتر" بس انا حطيت شوااااااي مره معه بس عشان يضبط وكذا يعني الزبده قبل ما سويت الميرانقو حطيت تشوكلت تشيب فوق العجينه وبعد ما سويت الميرانقو حطيته فوق التشوكلت تشيب و وزعته وبعد كذا قصيت ورق البارشمينت بيبر وحطيته فوق الكريمه او الميرانقو ودخلته الفرن لمدة عشرين دقيقه "حطيت الورقه عشان ابي الكوكيز اللي تحت يستوي بدون ما ييبس ويحترق الميرانقو , بعد عشرين دقيقه طلعت الصينيه وشلت الورقه ودخلته الفرن مرتن اخرى لمدة تققريبا 6-8 دقايق كذا وطلعت الصينيه وخليته يبرد على بال ما اغسل المواعين :’) بعدين قطعته وكان الكوكيز لين ومستوي زين وجمممميل والميرانقو معطيه طعم بطططل والله  

 

وذا وشسمه ودي اقول شي :$ ترا كل الصور اللي ماش موب مره زينه يصير طعمها جاممد!! لاننا نصير نصور بسرعه بس نبي نبلعه =)) نصور صوره وناكل حبه كل شوي نصور وناكل =)))  المهم كلهم ذاقوه وعجبهم مرره وكذا