Cowboy hat Cookie :p and Oreo Cookies ~

DAAAAY TWELVE

اليوم صراحه قمت متأخر وكنت مدري وش اسوي ماكنت مشتهيه شي وكل ما لقيت وصفه كويسه وكل ما لقيت شي يصير فيه شي مخلص عندنا فقلت بروح السوبر ماركت واشتري الاشياء الناقصه وكذا بعدين باسوي كوكيز محشي بالاوريو انا صراحه ما احب اكل الاوريو الا إذا كان مطحون ولا شي بس قلت بسويه وبشوف وش يطلع طعمه  , بس ما راح اسويه كله كذا! قلت بقسم العجينه قسمين واسوي نص محشيه بالاوريو والنص الثانيه من مخي الجميل .. إليكم الطريقه ( ︶ ︶ ) ..اول شي كالعاده زبده لينه مع سكر بني وابيض واخلطهم كويس بعدين احط البيض والفانيلا بعدين الطحين والبيكنق صودا والملح ثمن عاد حطيت شوي تشوكلت تشيب وعجنتها كويس بعدين آخذها بملعقة الايس كريم العاديه واقسمها نصين واحط حبة اوريو بينها واخليها زي الكوره بعدين عاد ادخله الفرن .. بس صار شي غبي شوي هي المفروض انها تطلع على شكل كوره بس انا حقتي طلع شكلها طاقية كاو بوي! >>مدري ليش تخيلتها كذا , "هذا سبب التسميه =))" الزبده ان شكلها يضحك صراحه بس طعمها بططل الاوريو طعمه حلو ولين ما يوجع الاسنان! >انا اذا اكلته اوجعتني اسناني مدري ليه المهم ان طعمها جميل 

عاد انا قلت ان نص العجينه الثاني بسوي فيها شي من مخي فقلت باخذ الاوريو وحطيته بكيسه بلاستك ذوليك اللي يتصكرون من فوق بزي السحاب المهم حطيت الاوريو بالكيسه وقعدت اكسرهم بس تكسير خفيف يعني تصير فيه قطع كبيره وصغيره بس مو زي البودره! المهم وخلطتها مع العجينه وحطيتها بالصينيه يعني كوكيز عادي بس بقطع اوريو وكذا وطلع طعمه اطلق من اللي قبل ( ︶ ︶ )  يعني عشاني انا اللي مخترعته وكذا يعني =)) 

طبعا انا الحين قاعده اكتب وانا متلحفه وشكلي غبي لان المكيف يصقع بخشتي وخشمي احمر وحالتي حاله هههه بس والله اهون من ذا الحر اللهم يا تسافي,, الزببده اخواني خققو عالكوكيز مرره عجبهم وكذا بس امي وابوي الجميلين ما ذاقوه للحين لاني سويته متأخر مره كله من اختي ما قومتني الله يصلحهها..>امززح وشو يعني الواحد ما يمزح؟ الزبده اكيد بيعجبهم لان طعمه بططل صراحه لين ووش زيينهه  

( ︶ ︶ )